Kristinn Hákonarson og Birna Sólveig Kristjónsdóttir eru ábúendur á Eyvindarmúla í Fljótshlíð. Bærinn er staðsettur innarlega í Fljótshlíðinni, u.þ.b. 22 km frá Hvolsvelli og er því ekki mikið um bílaumferð þar. Þetta er ákaflega fallegt bæjarstæði og mikil náttúrufegurð og útsýni blasir við.

Til gamans má geta að Eyvindarmúli er fornt höfuðból og er bærinn staðsettur á Njáluslóðum, en hinn þekkti bær, Hlíðarendi hans Gunnars, er einungis nokkrum bæjum frá. Bærinn var einmitt eitt af höfuðbólum Oddaverja á Sturlungaöld og svo er einnig sagt að fyrir ofan bæinn hafi Fjalla-Eyvindur steypt undan hrafni sem var talið upphafið að ógæfuferli hans. Hann var haldinn þeirri áráttu að geta ekki látið eigur annarra kyrrar liggja.

Þar stundum við hrossarækt, tamningar, þjálfun og sjáum um hestaferðir á sumrin og stutta reiðtúra á veturna. Við bjóðum upp á hestaferðir á sumrin um Syðri Fjallabak, Emstrur og  Kjöl. Hægt er síðan að sjá nánar um okkar hrossaræktun, söluhross og nánar um hestaferðinar á síðunni.